Juventus F.C.
![]() | |||
Jeneng jangkep | Juventus Football Club | ||
Peparab | La Vecchia Signora, Le Zebrette | ||
Diadegaké | 1897 | ||
Lapangan | Juventus Stadium, Turin, Itali | ||
Kapasitas | 55500 | ||
Ketua | ![]() | ||
Manajer | ![]() | ||
Liga | Serie A | ||
2018-19 | Serie A 1 (Scudetto) | ||
|
![](http://upload.wikimedia.org/wikipedia/commons/thumb/0/02/Juventus_v_Real_Madrid%2C_Champions_League%2C_Stadium%2C_Turin%2C_2013.jpg/250px-Juventus_v_Real_Madrid%2C_Champions_League%2C_Stadium%2C_Turin%2C_2013.jpg)
Juventus F.C. (Basa Latiné saka Nom-noman) ya iku salah sawijining klub bal-balan utawa bal-balan sing tuwa dhéwé ing Italia. Klub iki markasé ana ing Torino lan main ing Serie A.
Juventus racaké main nganggo seragam garis ireng-putih lan clana cekak ireng (nanging biyèn naté nganggo clana putih ing sajeroning wektu kang cukup suwé) lan dijuluki la Vecchia Signora (Sang Nyonya Tuwa). Tim iki olèh motif seragamé saka klub Inggris Notts County. Stadion Juventus ya iku Stadio Delle Alpi sauntara wektu dianggo bebarengan karo A.C. Torino, nanging bakal rampung sawisé mangsa 2004-2005, sebab Torino bakal yasa stadioné dhéwé. Ana ing mangsa kompetisi 2006-2007, Juventus nggunakaké Stadio Olimpico di Torino minangka stadion kandang amarga Stadio Delle Alpi isih sajeroning prosès renovasi. Nanging awit taun 2011 Juventus nggunakaké stadion anyar ya iku Stadion Juventus Arena.
Juventus didhegaké sasi November 1897 déning murid-murid Lyceum (sejinis undang-ndangan kanggo sekolah top ing Éropa) Massimo D'Azeglio, lan sepisanan njuarai liga nasional versi lawas ing taun 1905, nanging gelar kaloro lagi dikasilaké ing taun 1926. Nalika taun 1923, kulawarga Agnelli (sing nduwé Fiat) nuku ("mengambil alih") klub iku mau lan yasa stadion pribadi ing Villar Perosa (cedhak Torino) kang dipepaki kanthi fasilitas komplit.
Wiwit taun 1931, Juventus ngrebut gelar Seri A (scudetto) ping lima maturut-turut. Ana ing taun 1933, Juventus wiwit main ing Stadio Comunale. Sawisé Perang Donya II Juventus sukses sajeroning kajuaraan domestik - gelar liga kasepuluh direngkuh ana ing taun 1961, nanging ora kasil ngrebut siji-sijia gelar Éropa nganti taun 1977 wektu dadi juara Piala UEFA. Puncak kesuksesan Juventus ing Éropa dadi kanyatan ing taun 1985 wektu Juventus ngrebut Piala Champions lan saterusé dibalèni ana ing taun 1996. Juventus uga ngraih gelar Piala Winners ana ing taun 1984 lan rong gelar Piala UEFA manèh ing taun 1990 dan 1993. Nganti saiki Juventus wis njuarai Seri A ping 27. Gelar Seri A kang diraih ana ing mangsa 04/05 lan 05/06 dicabut amarga anané skandal pengaturan tetandhingan. Juventus uga kudu terdegradasi menyang Seri B amarga kasus iki.
Nganti sawatara wektu kapungkur, juru main Juventus kudu duwé rambut kang pendek lan rapi; pihak klub uga nyediakaké pakaian formal kanggo para juru main (kang digawé déning penjait misuwur) lan meksa para juru main supaya nyelesèaké sekolahé. Mayoritas juru main bertahan ing Juventus nganti pungkasan karir; akèh kang isih nyambut gawé kanggo klub utawa kanggo FIAT (utawa perusahaan liyané).
Juventus saiki minangka sawijining perusahaan kang kecatet ing bursa efek Milan. Transfer Zinedine Zidane menyang Real Madrid kanthi rega kurang luwih $64 juta dolar AS isih dadi rekor transfer paling larang sajeroning sajarah bal-balan nganti saiki.
Prestasi
[besut | besut sumber]- Seri A: 36
- 1905, 1925-26, 1930-31, 1931-32, 1932-33, 1933-34, 1934-35, 1949-50, 1951-52, 1957-58, 1959-60, 1960-61, 1966-67, 1971-72, 1972-73, 1974-75, 1976-77, 1977-78, 1980-81, 1981-82, 1983-84, 1985-86, 1994-95, 1996-97, 1997-98, 2001-02, 2002-03, 2011-12, 2012-13, 2013-14, 2014-15, 2015-16, 2016-17, 2017-18, 2018-19, 2019-20.
- Seri B: 1
- 2006-07
- Piala Italia: 10
- 1937-38, 1941-42, 1958-59, 1959-60, 1964-65, 1978-79, 1982-83, 1989-90, 1994-95, 2014-15.
- Piala Super Italia: 6
- 1995, 1997, 2002, 2003, 2012, 2013.
- Piala/Liga Champions: 2
- 1984-85, 1995-96.
- Piala Champions: 1
- 1983-84.
- Piala UEFA: 3
- 1976-77, 1989-90, 1992-93.
- Piala Super Éropa: 2
- 1984, 1996.
- Piala Interkontinental: 2
- 1985, 1996.
Pemain kondhang
[besut | besut sumber]- Giampiero Combi
- Giampiero Boniperti (sabanjuré dadi présidhèn klub kang misuwur)
- Omar Sivori
- John Charles
- Roberto Boninsegna
- Gaetano Scirea
- Michel Platini
- Zbigniew Boniek
- Paolo Rossi
- Marco Tardelli
- Antonio Cabrini
- Claudio Gentile
- Franco Causio
- Roberto Bettega (présidhèn klub saiki)
- Dino Zoff
- Robert Jarni
- Andrea Fortunato
- Gianluca Vialli
- Didier Deschamps
- Zinedine Zidane
- Filippo Inzaghi
- Alessandro Del Piero
- Roberto Baggio
- Edgar Davids
- Alen Boksic
- Pavel Nedved
- Christian Vieri
- Gianluigi Buffon
- Zlatan Ibrahimovic
- David Trezeguet
- Antonio Conte
- Alessio Tacchinardi
Uga delengen
[besut | besut sumber]Pranala njaba
[besut | besut sumber]
Liga Italia Seri A 2014/2015 |
Atalanta | Cagliari | Cesena | Chievo | Empoli | Fiorentina | Genoa | Inter Milan | Juventus | Lazio | A.C. Milan | Napoli | Palermo | Parma | A.S. Roma | Sampdoria | Sassuolo | Torino | Udinese | Verona |
Anggota G-14 | ||
|